Jehova Diosmi Salomonman yachayta quykurqa, hinaspam paypa makinpi saqiykurqa wasinta ruwapunanpaq. Ichaqa pisi-pisimantam taytacha-mamachata yupaychaqkunawan hukllawakuspan Jehova Diosmanta karunchakururqa. Qampas warmaykiman yachachiy chaykunamanta. Israel nacionqa iskaymanñam rakikururqa. Wakin kamachiqkunaqa Jehova Diosmantam runakunata karuncharachirqaku, astawanraqmi Jezabel warmi kamachiptinqa. Chaymi Diosmanta willakuqkuna qatikachasqa chaynataq wañuchisqa karqaku. Ichaqa karqaraqmi kamachiq Josafat chaynataq Diosmanta willakuq Elias hina Diosman sunqu runakuna.