Diosmi Salomonman yachayta qoran, yanaparantaq templota jatarichinanpaq. Salomonmi ichaqa Diosmanta t’aqakuran. Wawayoq kanki chayqa explicay idolokunata adoraqkuna Salomonta Diosmanta t’aqasqankuta. Israelqa iskaymanmi t’aqakuran, karanmi millay reykuna, paykunan llaqtata tanqaranku idolokunata adoranankupaq. Karantaqmi Diosta tukuy sonqowan serviq profetakuna, ichaqa qatikachasqa wañuchisqan karanku. Reina Jezabelmi astawanraq runakunata tanqaran idolokunata adoranankupaq. Millay tiempon karan, chaywanpas karanmi rey Jehosafat, profeta Elías jina tukuy sonqowan Diosta serviqkuna.