Jehová Diosca Salomondaca alipacha yachaita cushpa, templo huasita shayachichunmi mingarca. Shinapash Salomonga asha ashami Jehovata sirvinata saquirca. Quiquin huahuacunata charishpaca, Jehovata na sirvijcunahuan llevarimandami Salomonga Jehovamanda caruyarca nishpa yachachipangui. Israelitacuna shuj shuj yuyaicunata charimandami, nali reycuna tiai callarirca. Chaimi israelitacunaca Jehovamanda caruyashpa, yanga dioscunata adoranajurca. Chai punllacunapi Jehovata ali sirvij profetacunataca catiriashpa llaquichishpami huañuchinajurca. Jezabel reinaca Efraín mandajun llactata, shuj llactacunatapashmi Jehovamanda caruyachishpa ashtahuan nali ruraicunata rurachirca. Chaica israelitacunapaca jatun llaqui tiempomi carca. Shinapash ashtaca israelitacuna, rey Jehosafat, profeta Eliaspash Jehovata tucui shunguhuanmi sirvinajurca.