Увод башо 8 дело
О Јехова денѓа е Соломоне мудрост хем чест те градинел о храми, ама ов хари похари цидинѓа пе таро Јехова. Ако сиан родители, објаснин те чхавеске сар несаве со служинѓе е ховавне девленге керѓе о Соломон те цидел пе таро Јехова. О царство сине делимо хем о лошна царија чхивѓе е народо те служинен е ховавне девленге. Ко адава време, бут верна пророкија е Јеховаскере сине прогониме хем мударде. И царица, и Језавела, керѓа о мануша таро северно царство те служинен панда повише е идоленге. Адава сине пхаро време е Израелцонге. Ама, тегани да сине мануша со ачхиле верна е Јеховаске, сар со сине о цари, о Јосафат хем о пророко о Илија.
КО АКАВА ДЕЛО
44 ЛЕКЦИЈА
Е Јеховаскоро храми
О Девел прифатинела и молитва е Соломонескири хем денѓа ле важно задача.
49 ЛЕКЦИЈА
Јекх лошно царица сине казними
И Језавела керѓа о Израелцо о Навутеј те овел мудардо те шај те лел лескири нива дракхенцар! О Јехова дикхља кај ој тани бут лошно.
50 ЛЕКЦИЈА
О Јехова поможинѓа е Јосафатеске
Кеда о душмања мангле те нападинен и Јуда, о шукар цари о Јосафат молинѓа пе е Јеховаске.