Uvod bašo 8 delo
O Jehova dengja e Solomone mudrost hem čest te gradinel o hrami, ama ov hari pohari cidingja pe taro Jehova. Ako sian roditeli, objasnin te čhaveske sar nesave so služingje e hovavne devlenge kergje o Solomon te cidel pe taro Jehova. O carstvo sine delimo hem o lošna carija čhivgje e narodo te služinen e hovavne devlenge. Ko adava vreme, but verna prorokija e Jehovaskere sine progonime hem mudarde. I carica, i Jezavela, kergja o manuša taro severno carstvo te služinen panda poviše e idolenge. Adava sine pharo vreme e Izraelconge. Ama, tegani da sine manuša so ačhile verna e Jehovaske, sar so sine o cari, o Josafat hem o proroko o Ilija.
KO AKAVA DELO
44 LEKCIJA
E Jehovaskoro hrami
O Devel prifatinela i molitva e Solomoneskiri hem dengja le važno zadača.
49 LEKCIJA
Jekh lošno carica sine kaznimi
I Jezavela kergja o Izraelco o Navutej te ovel mudardo te šaj te lel leskiri niva drakhencar! O Jehova dikhlja kaj oj tani but lošno.
50 LEKCIJA
O Jehova pomožingja e Josafateske
Keda o dušmanja mangle te napadinen i Juda, o šukar cari o Josafat molingja pe e Jehovaske.