O Jehova dindža e Solomonese mudrost hem čast te čerel o hram, ama ov hari po hari cidindža pe ando Jehova. Ako isi tut čhave, objasnin ljendže sar disave kola služindže e hovavne devljendže čhivdže e Solomone te cidel pe ando Jehova. O izraelsko kraljevstvo hine podelimo hem o lošna kraljija čhivdže e narodo te služini e hovavne devljendže. Ko odova vreme, but e Jehovase verna prorokija hine progonime hem mudarde. I kraljica Jezavelja, čerdža o manuša kotar severno kraljevstvo te služinen pana pobuter e idolendže. Odova hine pharo vreme e Izraelcendže. Ama, hem tegani hine manuša kola ačhilje verna e Jehovase, sar so hine o kralj Josafat hem o prorok Ilija.