О Иегова дя лэ Соломоности бари годи и ԥэндя тэ стерэл о храмо. Прожыля время и во парашэля тэ кандэл лэс. Сар тумэндэ исин бэятцэ, росԥэнэн лэнди, кай о Соломоно ашэля дур лэ Иеговастар. Васо? Во бут время проандярэлас кодэлэнца, ко тэлёнас хохавнэ дэвлэнди. О царство сас розделимэ. Линэ тэ правин найлашэ царёря, израильтяноря отԥэндэпэ лэ Иеговастар и линэ тэ тэлён хохавнэ дэвлэнди. Лэ Иеговастирэ пророконэн, савэ кандэнас лэс, ӷонинас и умарэнас. Андо северно царство бут ко отԥэндяпэ лэ Иеговастар через и найлащи царица Иезавель. Када сас ԥари время важ израильтяноря. Но машкар лэндэ всаек слинэ бут, ко на парашэнас тэ кандэн лэ Иеговас. Када о царё Иосафато и о пророко Илья.