Yahova aphedza Salomoni kukhala waudziwisi kakamwe pontho ampasa mwai wakumanga templo, mbwenye mwapang’ono pang’ono iye asiya kutumikira Yahova. Khala ndimwe nyakubala, pangani mwananu kuti ulambiri wauthambi wacitisa tani Salomoni kusiya Yahova. Umambo wadzagawika, pontho amambo akuipa acitisa mbumba kukhala aupfakafaka na kulambira madzimunthu. Mu ndzidzi unoyu, aprofeta azinji a Yahova akhathabuswa pontho akhaphiwa. Nyanyi Yezabhele acitisa umambo wa kunkwiriro kucita pinthu pyakuipa. Ukhali ndzidzi wakunentsa kuna mbumba ya Israeli. Mbwenye akhalipo atumiki azinji akukhulupirika a Yahova mu Israeli, kuphatanizambo Mambo Yosafate na mprofeta Eliya.