Gafa 8 Bitima
Yihowa Selemoonira lowo hayyonna qullaawa mine minate qoosso uyinosiha ikkirono, isi kayinni sunu sununni Yihowawiinni xeertiˈrino. Ooso iloottoha ikkiro, qaaqqikkira kaphu maganna magansidhannori Selemooni Maganuwiinni xeertiˈranno gede assitino gara xawisse kuli. Israeelete gashshooti lamewa beehamino; busha mootoolla mannu kaadaasinenna kaphu maganna magansiˈrannoha ikkanno gede assitino. Hatte yannara Yihowata batinye ammanantino masaalaano beebba assiˈnoonni, hattono shinoonni. Mootitte Elzaabeeli aliyye gashshootira noo manna albinni roore kaadaasine ikkanno gede assitino. Hatti Israeelete xagge giddo tunsichu yannaati yaa dandiinanni. Ikkollana,
hatte yannarano Israeelete giddo Yihowara ammanaminohu lowo manni no; insa giddo mitu Moote Iyyoosaafiixinna masaalaancho Eeliyaasiiti.KONNI GAFIRA
Yihowa Magansiˈnanniha Qullaawa Mine
Maganu Selemooni huuccatto macciishshe maassiˈrinosi.
Gashshootu Beehami
Batinyu Israeelete manni Yihowa magansiˈra agurino.
Qermeloosi Ilaalira Ikkinore
Halaalaanchu Magani Yihowaatinso Baˈˈaaliiti?
Yihowa Eeliyaasi Jawaachishi
Yihowa ateno jawaachishannoheta addaxxatto?
Mitte Gunnitte Mancho Qaaqqi Reyotenni Kai
Yihowa mittu mini giddo lame maalale loosi!
Busha Mootitte Shini
Elzaabeeli woyinete kaashshi baattosi adhate yite Naabute yinanni Israeelaawicha shiishiishshino! Ikkollana ise assitinohu bushu coyi Yihowa illenni digoˈlino.
Yihowa Iyosaafiixi Kaaˈli
Moote Iyosaafiixi diinnasi waajjishiishshusi yannara Yihowa huucciˈrino.