Mbangilo a kipindji kya 8
Yehowa baadi mwelele Salomone mwabi na kumupa tudingi twibungi na mudimo wa kwibaka tabernakele, anka babangile kuleka Yehowa bipelabipela. Su we na mbutwile, patulwila mwana oobe bibaadi lulangwilo lwa madimi lwikashe Salomone kula n’Efile Mukulu. Bufumu bubaadi bwiabuule, ba nfumu bebubi nkutakula mwilo mu kusumbula lukumiino na mu kulangwila ma nkishi. Mu aa mafuku, abaadi bakyengeshe na kwipaa batemuki bebungi ba Yehowa. Nfumu mukashi Yezabele batwesheshe bufumu bwa kunundu mu bu nsesa. Kibaadi kipungo kya mufito mu nshalelo a beena Isaleele. Anka, kubaadi bafubi bebungi beena Isaleele babashadile na lulamato kwi Yehowa mpa na Nfumu Yosafate na mutemuki Eliya.
MU KINO KIPINDJI
Ntempelo a Yehowa
Efile Mukulu baadi mukumiine luteko lwa Nfumu Salomone, aye nkumupa kineemo kikata.
Bufumu bubeabuula
Beena Isaleele bebungi abalekyele kufubila Yehowa.
Kutompibwa ku Mwengye wa Karmele
Efile Mukulu a binyibinyi nnanyi? Yehowa nyi su Baale?
Yehowa akankamika Eliya
Ouku shi e nkukankamika namu noobe?
Mwana a mukashi kilele basanguka
Bilengyeleshi bibidi mu nshibo imune!
Nfumu mukashi e bubi banyokiibwa
Yezabele batshile mpàngo ya kwipaa mwina Isaleele abetanyina bu Nabote penda bwa kwiba efuba dyaye dya nfinyo! Yehowa tabakutshilwe kumona kukutwa kwaye kwa kululama na bubi bwaye nya.
Yehowa akalwila Yosafate
Nfumu e buwa Yosafate bealusha kwi Yehowa mu luteko pabaabadi bakalakashwe na bisamba bya beshikwanyi.
