Jehova o ile a hlohonolofatsa Solomone, a mo fa bohlale bo boholo le tokelo ea ho haha tempele. Empa butle-butle Solomone o ile a furalla Jehova. Haeba u motsoali, hlalosetsa ngoana oa hao hore na batho ba rapelang melimo ea bohata ba ile ba khelosa Solomone joang. ’Muso oa hae o ile oa aroloa ’me marena a mabe a etsa hore sechaba se fetohele Molimo. Eaba se qala ho rapela litšoantšo. Ka nako eo, baprofeta ba bangata ba tšepahalang ba Jehova ba ile ba hlorisoa le ho bolaoa. Mofumahali Jezebele o ile a etsa hore ’muso o ka leboea o fetohele Molimo le ho feta. Eo e ne e le nako e bosula ho Baiseraele. Empa ho ne ho ntse ho e-na le bahlanka ba bangata ba tšepahalang ba Jehova ba akareletsang Morena Josafate le moprofeta Elia.