Nitahie i Jehovah ty Solomona. Nimea’e fahendreagne reke sady nampamboare’e i tempolỳ. Faie nivalike tama’e avao ty Solomona naho fa nandeha ty fotoagne. Naho managn’anake rehe, le hazavao amy ty ana’o fa nampisintake i Solomona aman’Andrianagnahare ty fivavahan-diso. Nizara i fanjakagney, sady nitarike i firenenay hiova finoagne naho hanompo sampy ty mpanjaka raty fagnahy maro. Nisy mpaminany i Jehovah nenjehegne naho nivonoegne tamy izay. Mbe raty mihoatse izay ty natao i Jezebela mpanjaka vave. Ndra tie teo izay, le maro tamo o Israelitao ty tsy nivalike tamy i Jehovah. Agnisa izay ty Josafata Mpanjaka naho i Elia mpaminany.