Mazu Ngakwamba nga Chigaŵa 8
Yehova wangutumbika Solomoni, wangumupasa zeru ndipuso mwaŵi wakuti wazengi nyumba yakusopiyamu kweni kamana ndi kamana Solomoni wangumuleka Yehova. Asani ndimwi mupapi, mukonkhosiyeni mwana winu vo ŵanthu wo asopanga achiuta aboza anguchita vo vinguchitisa kuti Solomoni wamuleki Chiuta. Ufumu ungugaŵikana ndipu mafumu ngaheni nganguchitisa Ayisraele kuti agalukiyi ndipuso asopengi angoza. Pa nyengu iyi, achimi anandi akugomezeka aku Yehova atombozgekanga ndipuso abayikanga. Fumukazi Yezebelu yinguchitisa ufumu wa ku nkhondi wa Yisraele kuti ugalukiyi ukongwa Yehova. Iyi yenga nyengu yakusuzga ukongwa mumbiri ya Ayisraele. Kweni penga mbwenu Ayisraele anyaki akugomezeka wo asopanga Yehova kusazgiyapu fumu Yehoshafati kweniso muchimi Eliya.
PA CHIGAŴA ICHI
SAMBIRU 44
Nyumba Yakusopiyamu Yehova
Chiuta wanguzomereza vo Fumu Solomoni yingupempha ndipu wangumupasa udindu ukulu.
SAMBIRU 46
Yehova Wangulongo Kuti Ndi Chiuta Wauneneska
Kumbi Chiuta wauneneska ndi yani? Yehova pamwenga Bala?
SAMBIRU 49
Fumukazi Yiheni Yingulangika
Yezebelu wanguchita chiŵembu ndipu wangubaya Naboti kuti wabi munda waki! Yehova wanguwona vinthu viheni vo Yezebelu wanguchita.
SAMBIRU 50
Yehova Wanguvikiliya Yehosafati
Yehosafati yo wenga Fumu yamampha wanguromba kwaku Chiuta pa nyengu yo Ayuda awofyezekanga ndi mitundu yinyaki yo yatinkhananga nawu.