Introdaksen Bilong Seksen 8
Jehova i blesim Solomon na givim em bikpela savetingting na wok bilong bildim tempel, tasol isi isi em i lusim Jehova. Sapos yu wanpela papa o mama, stori long pikinini bilong yu long hau lotu giaman i pulim Solomon i go longwe long God. Kingdom i bruk long tupela hap, na ol king nogut i stiaim ol manmeri na ol i mekim pasin apostet na lotuim ol imis. Long dispela taim, ol i mekim nogut na kilim i dai planti profet bilong Jehova i stap gut long em. Kwin Jesebel i mekim na kingdom bilong hap not i insait tru long pasin apostet. Em wanpela haptaim nogut long histori bilong Israel. Tasol i gat planti gutpela wokman bilong Jehova i stap namel long ol Israel, dispela i makim tu King Jehosafat na profet Elaija.
LONG DISPELA HAP
LESEN 44
Tempel Bilong Jehova
God i orait long askim bilong King Solomon na i givim ol bikpela wok long em.
LESEN 49
Kwin Nogut i Kisim Panismen
Jesebel i wokim plen long kilim i dai Nabot na bai em i stilim gaden wain bilong em! Jehova i lukim pasin nogut bilong em.
LESEN 50
Jehova i Difendim Jehosafat
Gutpela King Jehosafat i beten long God taim ol birua kantri i pretim Juda.