Yahwe akaha Sulemani amagezi kandi yamuha obujunanizibwa bw’okwombeka yekaru, baitu mporampora Sulemani akecwaho Yahwe. Obworaaba oli muzaire, soborra omwana wawe omulingo Sulemani yahugukire kuruga hali Yahwe habw’okukoragana n’abantu abakaba nibaramya baruhanga ab’ebisuba. Obukama bukabaganizibwamu, kandi abakama ababi bakaletera ihanga kwecwaho Yahwe n’okutandika kuramya ebisisani. Omu busumi obu, banabbi baingi aba Yahwe bakahiganizibwa kandi baitwa. Omugo Yezeberi akahabisiza kimu ihanga lyona lyatandika kuhakaniza okuramya okuhikire. Bukaba busumi bw’omwirima omu by’omwoyo omu byafaayo bya Isareri. Baitu hakaba hakyaroho abahereza ba Yahwe abesigwa omu Isareri, nk’Omukama Yehosafati hamu na nabbi Eriya.