Иегова Соломонну кайгамчык мерген угаан-биле йөрээгеш, өргээ тудар даалга берген. Ынчалза-даа Соломон чоорту Иеговага бараалгавайн барган. Бо номну төлүңер-биле номчуп турар болзуңарза, меге бурганнарның чүдүкчүлери Соломонну Иеговадан канчаар ырадып апарганын тайылбырлап бериңер. Күрүне ийи чарлы берген, багай хааннар дээш израильчилер ойталакчылар апарып, дүрзү-бурганнарга чүдүп эгелээн. Ол үелерде Иегованың шынчы медээчилерин истеп сүрүп, өлүрүп турган. Соңгу күрүнеге Иезавел дээр каржы кадынның ужундан ойталакчылар саны көвүдээн. Ол дээрге израиль чоннуң төөгүзүнде эң берге үе турган. Ынчалза-даа Иосафат хаан, Илия медээчи дээн ышкаш Иегованың шынчы бараалгакчылары турган.