Sjajchibal yuʼun te parte 8
Te Jehová la yakʼbey bayal bendision te Salomón la yakʼbey spʼijil sok la yakʼbey spas te temploe. Pero kʼunkʼun la yijkʼitay te Diose. Teme ay awal anichʼnabe, cholbeya yaʼiyik te bitʼil te Salomón la yijkʼitay te Jehová ta skaj te ants winiketik te ya schʼuunik lotil diosetik. Te wentainele la xat sba, ayin chopol ajwaliletik te la yakʼ yijkʼitayik schʼuunel Dios te nasion sok la yakʼik ta chʼuunel lokʼombaetik. Te jayeb kʼajkʼal kʼax-abi, bayal j-alwanejetik te jun yoʼtan la yakʼ sbaik ta stojol Jehová la yichʼik nutsel sok milel. Toy te yichʼel ta mukʼ lotil diosetik ta banti te lajunchajp stsʼumbal Israel ta skaj te ajwalil ants Jezabel. Bayal la sta swokolik te israeletike. Pero ayto tsobol te jun yoʼtanik ta stojol te Jehovae, jich bitʼil te ajwalil Josafat (Jehosafat) sok te j-alwanej Elías.
TA SECCION INI
KAPITULO 44
Jun templo ta stojol Jehová
Te Dios la smulan te bin kʼanbot yuʼun te ajwalil Salomón, jich la yakʼbey spas aʼteliletik te tulan skʼoplale.
KAPITULO 45
La xat sba te wentainele
Bayal ta tul israeletik la yijkʼitayik ta yichʼel ta mukʼ te Jehovae.
KAPITULO 46
Jun prueba ta wits Carmelo
¿Machʼa-a te smelelil Diose? ¿Jaʼbal te Jehová o jaʼ te Baal?
KAPITULO 47
Te Jehová la yakʼbey yip yoʼtan te Elías
¿Yabal achʼuun te ya xjuʼ ya yakʼbat awip-euk te Jehovae?
KAPITULO 49
La yichʼ kastigo jtul chopol ajwalil ants
Te Jezabel la schap bin-utʼil ya smil jtul israel-winik te Nabot sbiile, swenta ya spojbey te tsʼusubiltik yuʼune. Pero te Jehová la yil te bin chopol la spase.
KAPITULO 50
Te Jehová la skoltay te Josafat ta skʼab te skontratak
Te lekil ajwalil Josafat ya skʼopon Dios swenta ya skʼanbey koltayel kʼalal te skontratak ya yochintayik te lum Judá.
