Yehova o fhaṱutshedza Salomo nga vhuṱali vhuhulu, nahone a mu ṋea ndugelo ya u fhaṱa thembele, fhedzi o ṱutshela Yehova nga zwiṱuku nga zwiṱuku. Arali ni mubebi, ṱalutshedzani ṅwana waṋu uri vhathu vha sa gwadameli Yehova vho ita hani uri Salomo a ṱutshele Mudzimu. Muvhuso wo mbo ḓi fhandekanywa, nahone mahosi mavhi a ita uri lushaka lu litshe u rabela Mudzimu nahone lu rabele zwifanyiso. Nga tshenetsho tshifhinga, vhunzhi ha vhaporofita vha Yehova vha fulufhedzeaho vho tovholwa na u vhulaiwa. Mufumakadzi Isebele o ita uri muvhuso wa devhula u litshe u shumela Yehova. Tsho vha tshi tshifhinga tshi konḓaho vhukuma kha ḓivhazwakale ya Isiraele. Fhedzi ho vha hu kha ḓi vha na vhaṅwe vhashumeli vha Yehova vha fulufhedzeaho vhukati ha Vhaisiraele, u katela na Khosi Yosafati na muporofita Elia.