Ginbendisyonan ni Jehova hi Solomon hin daku nga kinaadman ngan gintagan hin pribilehiyo ha pagtukod han templo, pero hinay-hinay nga bumaya hiya kan Jehova. Kon usa ka nga kag-anak, isaysay ha imo anak kon paonan-o hi Solomon iginpahirayo ha Dios han buwa nga mga magsiringba. Nabahin an ginhadian, ngan tungod han maraot nga mga hadi, an nasud nagbuhat hin apostasya ngan nagsingba ha mga dios-dios. Hito nga panahon, damu nga maunungon nga propeta ni Jehova an gintimaraot ngan ginpatay. Dinugang pa gud an apostasya ha norte nga ginhadian tungod kan Rayna Jesebel. Maraot gud ito nga panahon ha kasaysayan han Israel. Pero damu pa gihapon nga Israelita an matinumanon nga surugoon ni Jehova, upod na hi Hadi Jehosapat ngan hi propeta Elias.