Maloŵe Gandanda ga Mbali 8
Yehofa ŵamjaliwe Solomoni mwakumpa lunda mnope soni ŵampele upile wakutaŵa nyumba jakulambilila. Nambo mkupita kwandaŵi jwalakwe mwapanandipanandi ŵamlekaga Yehofa. Naga ali nangolo, amsalile mwanace jwawo yayatendekwe kuti kulambila kwaunami kumlepelekasye Solomoni kumlambila Mlungu. Ucimwene wagaŵikangene soni mayimwene gakusakala gatendekasisye kuti mtundu wa Ayisalayeli uŵe wakusapuka soni ulambileje milungu jine. Mundaŵi jeleji ŵakulocesya ŵajinji ŵa Yehofa ŵatendelaga yangalwe soni kwawulaga. Jwamkongwe jwa Mwenye jwakolanjikwa kuti Yesebele jwatendekasisye kuti ŵandu ŵajinji asapuce pa kulambila Yehofa. Jeleji jaliji ndaŵi jakusawusya mnope mu mbili ja Ayisalayeli. Nambope paliji ŵakutumicila ŵajinji ŵakulupicika pasikati pa Ayisalayeli, mpela Mwenye Yehosafati soni jwakulocesya Eliya.
MU MBALI AJI
Nyumba Jakulambilila Yehofa
Mlungu ŵajanjile yaŵaŵendile Mwenye Solomoni soni ŵampele majali gejinji.
Ucimwene Ukugaŵikana
Ayisalayeli ŵajinji ŵalesile kutumicila Yehofa.
Yisyesyene Yakwe Yawonece pa Litumbi lya Kalimeli
Ana Mlungu jusyesyene ali Yehofa kapena Baala?
Yehofa Ŵamlimbikasisye Eliya
Ana mkuganisya kuti jwalakwe mpaka amlimbikasyesoni mmwejo?
Mwanace jwa Jwamkongwe Jwamasije Jwajimwice ku Ŵawe
Yakusimonjesya yiŵili yatendekwe panyumba jimo
Ŵamkwawo Mwenye Akupocela Ahabu Cilango
Yesebele akulinganya yakuti Naboti awulajidwe pakusaka kwiŵa mgunda wakwe wa mipeleya! Yehofa Mlungu ŵayiwonaga Yitendo yakusala ya Yesebele.
Yehofa Akumcenjela Yehosafati
Mwenye jwambone Yehosafati jwapopesile kwa Mlungu pandaŵi jele acimmagongo ŵawo ŵajogoyaga.