Yekova afu maku fu Soromo ko du na bakere tatamana na ki fu gu momu fuko nga ga me yekaru, ono ko atona ka mbu Yekova yeeye. Ka singia vungu gude nga mo, mo sakipa wai ziree pambori aˈaria Soromo kusayo ti Mbori fu wiro. Kindo akparaka, na gbegberẽ abakindo angbe kumbatayo fu aboro i samungu kuti ndikidi pambori na kini irisi akpiahe. Tigu regbo re, i arungosi dungu ga Yekova ruru anebi na ki imiyo. Nakindo Izebere asa gu kindo naadu ku nodiyo i samungu kuti ndikidi pambori. Si aima du ni kere regbo gbe rogo gu pangbanga yo nga ga Yisaraere. Ono badungu ga Yekova ruru amoyambu adu kindi dagba aYisaraere yo, kodihe na gu Bakindo nangia Yosafata gbiati gu nebi nangia Eriya.