Fã 9 ɔ Nya Blimi Munyu
Wa maa kase jokuɛwi, gbali, kɛ matsɛmɛ nɛ a ná hemi kɛ yemi nɛ mi wa ngɛ Yehowa mi ɔ a he ní ngɛ fã nɛ ɔ mi. Jokuɛ yoyo ko hi Siria nɛ e ji Israel no. E ná hemi kɛ yemi kaa Yehowa gbalɔ ɔ ma nyɛ ma tsa Naaman. Gbalɔ Eliya ná nɔ mami kaa Yehowa maa po e he piɛ ngɛ ta buli babauu komɛ a he. Osɔfo Nɔkɔtɔma Yehoyada le kaa a ma nyɛ maa gbe lɛ, se e ngɔ jokuɛ nyumuyo nɛ ji Yoash kɛ laa konɛ jokuɛ ɔ maa nɛ ji Atalia nɛ e yi mi wa a ko gbe Yoash. Matsɛ Hezekia ná hɛ kɛ fɔmi kaa Yehowa ma kpɔ̃ Yerusalɛm, enɛ ɔ he ɔ, e ha we nɛ Asiria bi ɔmɛ nɛ a wo e he gbeye. Matsɛ Yosia ha nɛ ma mi bi ɔmɛ kpa amaga jami, e dla sɔlemi we ɔ, nɛ e ha nɛ a bɔni anɔkuale Mawu ɔ jami ekohu.
NGƐ FA NƐ Ɔ
Tatsɛ Ko Kɛ Jokuɛ Yoyo Ko
Jokuɛ yoyo ko nɛ e ji Israel no ya de e nyɔmtsɛ yo kaa Yehowa ngɛ he wami nitsɛnitsɛ. Enɛ ɔ ha nɛ Yehowa pee nyakpɛ nɔ ko ha mɛ.
Yehowa Ta Buli Nɛ A Ngɛ Kaa La
Bɔ nɛ Elisha tsɔlɔ ɔ plɛ kɛ na kaa ‘nihi nɛ a piɛɛ wa he ɔ hiɛ kulaa pe nihi nɛ piɛɛ a he ɔ.’
Yehoyada Pee Kã
Osɔfo ko nɛ e yeɔ anɔkuale te si kɛ wo manyɛ yiwutsotsɛ ko.
Yehowa To E Tsui Si Ha Yona
Kɛ ba kɛɛ nɛ lo ngua ko mi Mawu gbali ɔmɛ a kpɛti nɔ kake? Kɛ e plɛ kɛ je kpo ngɛ lo ɔ mi mi ha kɛɛ? Nɛ mɛni Yehowa ha nɛ e kase ngɛ mi?
Yehowa Bɔfo Ko Bu Hezekia He
Yuda bi ɔmɛ a he nyɛli ɔmɛ de mɛ ke Yehowa be nyɛe maa bu a he. Nɔ́ nɛ a de ɔ be mi!
Yosia Bua Jɔ Mawu Mlaa a He
Yosia ba pee matsɛ benɛ e ye jeha kpaanyɔ, nɛ e ye bua ma a mi bi ɔmɛ nɛ a sɔmɔ Yehowa.