Sección 9, ¿kuna toqetsa parli?
Aka seccionanjja Jehová Diosar confiyiri wawanakata, profetanakata, reyinakat yateqañäni. Siria markanjja, ‘Jehová Diosan profetapaw Naamanar qollaspa’ sasaw israelit mä jiskʼa imillajj confiyäna. Eliseo profetajj ‘Jehová Diosaw uñisiri ejercitot jarkʼaqetani’ sasaw taqe chuyma confiyarakïna. Jehoiadá jachʼa jilïr sacerdotejja, vidap aptʼasirjamäkasas Jehoás sat jiskʼa wawaruw Atalía awichapat salväna. Ezequías reyejj ‘Jehová Diosaw Jerusalenarojj asirio soldadonakat jarkʼaqani’ sasaw confiyäna. Josías reyejj idolonakar adorañwa chhaqtayäna, templsa askichayänwa, jaqenakarus Jehová Diosar mayamp adorapjjañapatakiw yanaptʼäna.
AKA SECCIONANJJA AKA YATICHÄWINAKAW UTJI
51 YATICHÄWI
Soldadonak pʼeqtʼirimpi israelit jiskʼa imillampi
Israelita mä jiskʼa imillaw Jehová Diosan chʼamapat uywiripar parläna. Ukhamatwa mä milagrojj utjäna.
52 YATICHÄWI
Jehová Diosan nakhaskir ejercitopa
¿Kunjamatsa Eliseon yanapiripajj enemigonakapat sipansa jupanakat saytʼasiri soldadonakajj jukʼampïpjjatap uñjäna?
53 YATICHÄWI
Jehoiadá sacerdotejj jan ajjsarirïnwa
Diosar taqe chuyma serviri mä sacerdotejja, jan wali reina contraw saytʼäna.
54 YATICHÄWI
Diosajj pacienciampiw Jonasar uñjäna
¿Kunatsa mä jachʼa chawllajj Diosan profetapar manqʼantäna? ¿Kunjamsa Jonasajj salvasïna? ¿Kunanaksa Jehová Diosajj jupar yatichäna?
55 YATICHÄWI
Diosan angelapaw Ezequiasar jarkʼaqäna
Janiw Jehová Diosajj jarkʼaqapkätamti sasaw Judá markan enemigonakapajj sapjjäna, ukham sasajj pantjasipjjänwa.
56 YATICHÄWI
Josías reyejj Diosan Leyip wal munasïna
Josiasajj kimsaqallq maranikiw Judá mark apnaqañ qalltäna, wasitampi Jehová Diosar adorapjjañapatakiw markar yanaptʼarakïna.