Akpasua 9 i su fitilɛ
Ndɛ akpasua nga kan ba kanngan mun nin Ɲanmiɛn nuan ijɔfuɛ mun, ɔ nin famiɛn wie mun be ndɛ. Sran sɔ mun be lafili Zoova su kpa. Siri lɔ’n, Izraɛli talua kaan kun lafili su kɛ Zoova nuan ijɔfuɛ’n kwla yo Naaman i juejue. Ɲanmiɛn nuan ijɔfuɛ Elize lafili su kpa kɛ Zoova kwla de i i kpɔfuɛ mun be sa nun. Ɲanmiɛn ɲrun jranfuɛ dan Zɛozada fali Zɔasi fiali naan Zɔasi i nannan bla Atali klunwifuɛ’n w’a kunmɛn i. I lɛ nun’n, ɔ yoli yakpafuɛ. Famiɛn Ezekiasi lafili su kɛ Zoova wá sásá Zerizalɛmun klɔ’n. I sɔ’n ti’n, w’a fɛmɛn i wun w’a manman Asirifuɛ mun. Famiɛn Zoziasi yoli maan sran mun be yacili amuin sɔlɛ yɛ ɔ siesieli Zoova i sua’n i ye. Ɔ yoli maan nvlefuɛ mun be wa suli Zoova kpa ekun.
AKPASUA NGA NUN'N
LIKE SUANLƐ 51
Sonja su kpɛn’n nin talua kan’n
Izraɛli talua kan kun kannin Zoova i tinmin’n i ndɛ kleli i min bla’n—i bo guali kpa.
LIKE SUANLƐ 52
Zoova i sonja mɔ be yo sro’n
?Ngue yɛ maan Elize i sufuɛ’n w’a wunnin i wlɛ kɛ be nga be o be sin’n be sɔnnin trali be kpɔfuɛ mun-ɔn?
LIKE SUANLƐ 53
Zɛozada yoli yakpafuɛ
Ɲanmiɛn ɲrun jranfuɛ kun m’ɔ lafi Ɲanmiɛn su jrannin Atali ɲrun kekle.
LIKE SUANLƐ 54
Zoova trɛli i awlɛn Zonasi wun
?Ngue ti yɛ jue dan kun mɛnnin Ɲanmiɛn nuan ijɔfuɛ kun-ɔn? ?Ngue yɛ ɔ yoli naan w’a kwla fite nun-ɔn? ?Ndɛ benin yɛ Zoova kunndɛ kɛ ɔ wu i wlɛ-ɔ?
LIKE SUANLƐ 55
Zoova i anzi’n deli Ezekiasi
Zida i kpɔfuɛ’m be waan Zoova su sɛsɛmɛn i sran mun, sanngɛ ɔ timan nanwlɛ!
LIKE SUANLƐ 56
Zoziasi klo Ɲanmiɛn Mmla’n
Kɛ Zoziasi yó Zida famiɛn’n, nn ɔ le afuɛ mɔcuɛ. Ɔ ukɛli nvlefuɛ mun naan b’a su Zoova kpa