Introduksiyon sa Seksiyon 9
Maaaraman ta sa seksiyon na ini an manungod sa mga hoben, mga propeta, asin mga hadi na nagpahiling nin makusugon na pagtubod ki Jehova. Sa Siria, sarong aking babaying Israelita an nagtutubod na mapapaumayan si Naaman kan propeta ni Jehova. Lubos an pagtitiwala ni propeta Eliseo na poprotektaran siya ni Jehova laban sa hukbo kan kalaban. Isinapeligro kan Halangkaw na Saserdoteng si Joiada an buhay niya para protektaran an aki pang si Joas laban sa marauton na lola kaini na si Atalia. Nagtiwala si Hading Hezekias na ililigtas ni Jehova an Jerusalem, asin dai siya nagpadara sa mga pananakot kan mga Asiriano. Hinali ni Hading Josias sa nasyon an pagsamba sa mga diyos-diyosan, hinirahay an templo, asin pinanginutan an nasyon sa pagbalik sa tunay na pagsamba.
SA SEKSIYON NA INI
LEKSIYON 51
An Hepe kan Hukbo Asin an Aking Babayi
Inistorya kan sarong aking babaying Israelita sa agom na babayi kan kagurangnan niya an manungod sa kapangyarihan ni Jehova. Suminagkod ini sa sarong milagro.
LEKSIYON 52
An Nagkakalayong Hukbo ni Jehova
Kun paano nahiling kan lingkod ni Eliseo na ‘mas dakul an kaibanan ta kisa sainda.’
LEKSIYON 53
An Kusog nin Buot ni Joiada
Sarong maimbod na saserdote na nanindugan laban sa maraot na reyna.
LEKSIYON 54
Nagin Mapasensiya si Jehova ki Jonas
Taano ta hinalon kan sarong dakulaon na sira an sarong propeta nin Diyos? Paano siya nakaluwas? Asin anong leksiyon an itinukdo saiya ni Jehova?
LEKSIYON 55
Prinoteksiyunan si Hezekias kan Anghel ni Jehova
An sabi kan mga kalaban kan Juda, dai daa poproteksiyunan ni Jehova an saiyang banwaan, pero sala nanggad sinda!
LEKSIYON 56
Isinapuso ni Josias an Katugunan nin Diyos
Walong taon pa sana si Josias kan magin hadi siya kan Juda asin tinabangan niya an mga tawo na sumamba ki Jehova.