Amashiwi ya Kutendekelako mu Cipande 9
Muli cino cipande twalasambilila pa bacaice, pali bakasesema, na pa mfumu ishatetekele Yehova. Mu Siria mwali umukashana umunono uwatetekele ukuti kasesema wa kwa Yehova ali no kundapa Naamani. Kasesema Elisha alitetekele sana ukuti Yehova akamucingilila ku bashilika abali abalwani. Shimapepo Mukalamba Yehoyada aliibikile mu kapoosa mweo pa kuti acingilile umwaice Yoashi kuli Ataliya nakulu uwali no mutima uubi. Imfumu Hisekia yalicetekele ukuti Yehova alapususha Yerusalemu, kabili tayatiinine abena Asiria abalebatiinya. Imfumu Yoshia yalifumishe ifilubi mu calo conse, yaliwemye itempele kabili yalibweseshe abantu ku kupepa kwa cine.
MULI ICI CIPANDE
Umushilika no Mukashana Umunono
Umukashana umwina Israele aleeba muka Namaani pa fyo Yehova akwatisha amaka ica kutila kuti aposha umwina mwakwe.
Abashilika ba kwa Yehova
Umubomfi wa kwa Elisha amwene ukuti ‘abali kuli ifwe bengi ukucila abali kuli bena.’
Yehoyada Aali Uwashipa
Shimapepo uwali ne cishinka tatiinine namfumu umubi.
Yehova Alitekanishishe Yona
Bushe umo pali bakasesema ba kwa Lesa bamuminine shani ku cisabi? Bushe cali shani pa kuti afumemo? Lisambililo nshi Yehova amusambilishe?
Malaika wa kwa Yehova Alicingilile Hisekia
Abalwani baba Yuda balelanda ukuti Yehova takapusushe abantu bakwe, lelo ifi balelanda bufi!
Yoshia Alitemenwe Amafunde ya kwa Lesa
Yoshia ali imfumu ya baYuda ilyo ali ne myaka 8, kabili alyafwile abantu bakwe ukulapepa Yehova.