Fastok Blong Haf 9
Ol stori we oli kam biaen oli tokbaot ol yangfala, ol profet, mo ol king we oli bilif strong long Jehova. Long Siria, i gat wan smol gel we i bilif se wan profet blong Jehova i save mekem Neman i kam gud bakegen. Profet Elisa i bilif strong se bambae Jehova i lukaot gud long hem. Hae Pris Jehoeada i putum laef blong hem long denja blong sevem laef blong yangfala Joas, taem Atalia i wantem kilim hem i ded. King Hesekia i trastem Jehova se bambae hem i sevem Jerusalem, mo i no fraet long ol ami blong Asiria. King Josaea i spolem olgeta aedol long Isrel, i wokem gud haos blong God bakegen, mo i lidim ol man Isrel blong oli wosipim Jehova bakegen.
LONG HAF YA
STORI 51
Komanda Blong Ami Mo Wan Smol Gel
Wan smol gel Isrel i talem long misis blong hem se Jehova i gat bigfala paoa, mo i save mekem gudfala samting i kamaot.
STORI 52
Ol Ami Blong Jehova Oli Olsem Faea We i Laet
?Olsem wanem wokman blong Elisa i luksave se ‘olgeta long saed blong yumi oli plante moa, i winim olgeta ya’?
STORI 54
Jehova i Sore Long Jona
?From wanem wan bigfala fis i solemdaon profet blong God? ?Olsem wanem hem i kamaot long fis ya? ?Jehova i tijim hem long wanem?
STORI 55
Enjel i Lukaot Gud Long Hesekia
Ol enemi blong ol man Juda oli talem se Jehova bambae i no save lukaot gud long ol man blong hem. !Be oli rong olgeta!
STORI 56
Josaea i Laekem Tumas Loa Blong God
Josaea i kam king taem hem i gat eit yia nomo mo hem i givhan long ol man blong oli wosipim Jehova.