Kabwarabwaraani Mwakoro 9
Ti reireiaki n te mwakoro aei taekaia rooro n rikirake, burabeti, ao ueea ake a kaotiota onimakinan Iehova n te aro ae rianako. Iai te teinnaine ae uarereke ae tibun Iteraera i Turia, ae e kakoauaa bwa e kona ana burabeti Iehova ni katoka aorakin Naaman. E onimakina raoi Iehova te burabeti ae Eritai bwa e kona ni kamanoa man aia taanga ni buaka taani kairiribai. E karuanikaia maiuna te Ibonga ae Rietata ae Ieoiata ni kamanoa te teei ae Ioati mairoun tibuna te aine ae buakaka ae Atariia. E onimakina Iehova te Uea ae Etekia bwa e na boni kamaiua Ierutarem, ao e aki maaka aia taeka ni kakamaaku I-Aturia. E kamauna Iotia taromauriani bouannanti man te aba, e onobwaia te tembora, ao e kaoka te natannaomata nakon te taromauri ae koaua.
N TE MWAKORO AEI
REIREI 51
Te Tia Buaka ao te Teinnaine ae Uarereke
E tuanga ana toka te teinnaine ae uarereke ae tibun Iteraera taekani mwaakan Iehova ae korakora ao a riki baika kamimi imwina.
REIREI 52
Ana Aoti Iehova ma Kaa ni Buaka Aika Ura
E kangaa n ataia ana tabonibai Eritai ae ‘a bati riki ake a raonia.’
REIREI 54
E Taotaona Nanona Iehova Nakon Iona
E a kangaa naba n ongaki n te ika ae totoa ana burabeti te Atua temanna? E kangaa n otinako? Ao tera reireiana mairoun Iehova?
REIREI 55
E Kamanoa Etekia Ana Anera Iehova
A taekinna taani kairiribai nakon Iuta bwa e na aki kamanoia ana aomata Iehova, ma e kairua aia taeka!
REIREI 56
E Tangira Ana Tua te Atua Iotia
E riki Iotia bwa uean Iuta ngke wanua ana ririki, ao e buokiia ana aomata bwa a na taromauria Iehova.