Homẹbibiọ Na Adà 9
Adà ehe plọnnu mí gando jọja, yẹwhegán gọna ahọlu he do yise ayidego tọn hia to Jehovah mẹ delẹ go. To Silia, viyọnnu pẹvi Islaelivi de yise dọ yẹwhegán Jehovah tọn na hẹnazọ̀ngbọna Naamani. Yẹwhegán Eliṣa kudeji mlẹnmlẹn dọ Jehovah na basi hihọ́na emi sọn awhànpa kẹntọ tọn de si. Yẹwhenọ Daho Jehoiada ze ogbẹ̀ etọn do owù mẹ nado basi hihọ́na ovi pẹvi lọ Jehoaṣi sọn alọ onọ̀-daho etọn kanylantọ lọ Atalia tọn mẹ. Ahọlu Hẹzekia deji dọ Jehovah na whlẹn Jelusalẹm, enẹwutu e ma dibuna nukunvandomẹ Asilianu lẹ tọn. Ahọlu Josia de boṣiọ-sinsẹ̀n sẹ̀ sọn aigba lọ ji, vọ́ tẹmpli lọ jlado bo deanana akọta lọ nado gọjẹ sinsẹ̀n nugbo basi ji.
TO ADÀ EHE MẸ
NUPINPLỌN 51
Awhànfuntọ lọ po Viyọnnu Pẹvi lọ Po
Viyọnnu pẹvi Islaelivi de dọhona ogán etọn gando huhlọn daho Jehovah tọn go bọ ehe dekọtọn do azọ́njiawu de mẹ.
NUPINPLỌN 52
Awhànpa Miyọ́nnọ Jehovah Tọn
Lehe devizọnwatọ Eliṣa tọn wá mọdọ ‘mẹhe to adà mítọn mẹ lẹ sù hú mẹhe to adà yetọn mẹ lẹ’ do.
NUPINPLỌN 54
Jehovah Fahomẹ hẹ Jona
Naegbọn whèvi daho de wá ze dopo to yẹwhegán Jiwheyẹwhe tọn lẹ mẹ mì? Nawẹ e wagbọn do tọ́n sọn ohò whèvi lọ tọn mẹ? Podọ etẹwẹ Jehovah plọn ẹn?
NUPINPLỌN 55
Angẹli Jehovah Tọn Basi Hihọ́na Hẹzekia
Kẹntọ Juda tọn lẹ dọ dọ Jehovah ma na basi hihọ́na omẹ etọn lẹ, ṣigba lalo wẹ yé do!
NUPINPLỌN 56
Josia Yiwanna Osẹ́n Jiwheyẹwhe Tọn
Josia lẹzun ahọlu to whenue e tindo owhe ṣinatọ̀n, podọ e gọalọna omẹ etọn lẹ nado sẹ̀n Jehovah.