Ini nga seksion nagatudlo sa aton parte sa mga pamatan-on, manalagna, kag mga hari nga nagpakita sing mabakod gid nga pagtuo kay Jehova. Ang Israelinhon nga dalagita sa Siria nagtuo nga ayuhon sang manalagna ni Jehova si Naaman. Ang manalagna nga si Eliseo nagasalig gid sing bug-os nga proteksionan sia ni Jehova sa iya kaaway nga mga soldado. Ang mataas nga saserdote nga si Jehoiada nag-amlig sa bata nga si Jehoas sa iya malain gid nga lola nga si Atalia bisan pa mahimo sia patyon. Si Hari Ezequias nagsalig nga luwason ni Jehova ang Jerusalem, kag wala sia nagpadala sa pamahog sang Asiria. Gindula ni Hari Josias ang pagsimba sa butig nga mga dios sa pungsod, ginkay-o ang templo, kag ginpangunahan ang katawhan nga magbalik sa matuod nga pagsimba.