Այս բաժնում կծանոթանանք այնպիսի երիտասարդների, մարգարեների և թագավորների հետ, որոնք ակնառու հավատ են դրսևորել Եհովայի հանդեպ։ Ասորիքում իսրայելացի փոքրիկ աղջիկը հավատ դրսևորեց այն բանի հանդեպ, որ Եհովայի մարգարեն կբուժի Նեեմանին։ Եղիսե մարգարեն լիովին վստահեց Եհովային՝ համոզված լինելով, որ նա կպաշտպանի իրեն թշնամու զորքից։ Հովիադա քահանայապետը վտանգի ենթարկեց իր կյանքը, որ պաշտպանի փոքրիկ Հովասին իր չար տատիկից՝ Գոթողիայից։ Եզեկիա թագավորը ապավինեց Եհովային՝ համոզված լինելով, որ նա կփրկի Երուսաղեմը, և չվախեցավ Ասորեստանի սպառնալիքից։ Հովսիա թագավորը երկրից վերացրեց կռապաշտությունը, վերանորոգեց տաճարը և վերականգնեց ճշմարիտ երկրպագությունը։