Omambo wokomeho wOrupa 9
Orupa ndwi maru tu hongo ohunga nomitanda, ovaprofete nozombara nḓa raisa ongamburiro yapeke mu Jehova. MoSirie, mwa ri okakazona Okaisrael ku kari nongamburiro kutja omuprofete waJehova ma verura Naaman. Omuprofete Elisa wa ri nongamburiro okuura kutja Jehova me mu yama kovanavita. Omupristeri Omunene wena Jojada wa twa omuinyo we moumba kutja ma yame Joas ku ina omukurukaze wena Atalja, ngwa ri omurunde. Ombara Hiskija ya ri nongamburiro kutja Jehova ma yama Jerusalem nu kena pa tirisiwa i Ovaasur. Ombara Josija ya isamo omerikotameneno wokovisenginina mehi, a ṱunu ondjuwo ondjapuke yaMuhona okuzambo a kotora otjiwana komerikotameneno wouatjiri.
MORUPA NDWI
EHONGWA 51
Omurwe wovita omunamasa nokakazona
Okakazona Okaisrael ka raera omuhona wako oserekaze ohunga nomasa waJehova omanene nu kwa kongorera otjihimise.
EHONGWA 52
Otjimbumba tjaJehova tjovita
Omuano omukarere waElisa ma muna kutja ‘Tuna ovandu ovengi komunda wetu pu wo.’
EHONGWA 54
Jehova wa raisa omuretima ku Jona
Pe ya vi kutja omuprofete waMukuru ma ṋiṋiwe i ehundju enene? Eye wa pita vi? Nu Jehova we mu honga tjike?
EHONGWA 55
Omuengeli waJehova wa yama Hiskija
Ovanavita na Juda aave tja Jehova kamaa yama otjiwaṋa tje, posiya vari posyo!
EHONGWA 56
Josija wa suverere Omatwako waMukuru
Josija wa rira ombara indu tja ri nozombura 8 nu wa vatera otjiwaṋa tje okurikotamena ku Jehova.