Nkebi a ga-akọ banyere ndị na-eto eto, ndị amụma, na ndị eze mere ihe gosiri na ha nwere ezigbo okwukwe na Jehova. Na Siria, otu nwata nwaanyị nwere okwukwe n’Ịlaịsha ga-agwọli Neaman. Ịlaịsha onye amụma tụkwasịrị Jehova obi ya niile na ọ ga-anapụta ya n’aka ndị agha chọrọ igbu ya. Jehoyada, Nnukwu Onye Nchụàjà chebere otu nwata nwoke aha ya bụ Jehoash ka nne nna ya ghara igbu ya. Jehoyada katara obi chebe Jehoash n’agbanyeghị na e nwere ike igbu ya. Aha nne nna Jehoash bụ Atalaya. Eze Hezekaya tụkwasịrị Jehova obi na ọ ga-anapụta Jeruselem n’aka ndị Asiria. O kweghị achịliri ha aka elu n’agbanyeghị ụjọ ha na-emenye ya. Eze Josaya bibiri arụsị niile ndị Izrel na-efe, mee ka ụlọ nsọ Chineke dịrị ọcha, meekwa ka ndị Izrel maliteghachi ife Chineke.