Abọ nana ọ ta kpahe emaha, eruẹaro, gbe ivie nọ i fi ẹrọwọ họ Jihova nọ u fo nọ ma rẹ rọ aro kele. Evaọ ẹwho nọ a re se Siria, ọmọtẹ ọsese Izrẹl jọ o wo ẹrọwọ inọ ọruẹaro Jihova jọ ọ rẹ sai siwi Neaman. Elaeja ọruẹaro na o fievahọ Jihova nọ ọ te thọe no abọ ewegrẹ. Jehoada ozerẹ okpehru na o fi uzuazọ riẹ họ ọza re ọ sae thọ Jẹhoash no obọ Atalia oni ologbo riẹ nọ ọ geva gaga. Hẹzikaya ovie na o fievahọ Jihova inọ ọ te thọ Jerusalẹm, fikiere ọ dhozọ ahwo Asiria ha. Josaya ovie na ọ raha emedhọ no otọ na, ruẹrẹ etẹmpol na, je fiobọhọ kẹ orẹwho na soso wariẹ mu Jihova họ ẹgọ.