Ndai daw hta Yehowa ntsa laklai ai makam masham madun wa ai ramma ni, myihtoi ni hte hkawhkam ni a lam chye lu na re. Yehowa a myihtoi gaw Naman hpe shamai ya lu ai lam, Suri mung kaw du taw nga ai Israela num kasha kamsham ai. Myihtoi Elisha gaw hpyen ni a hpyen dap kaw nna, shi hpe Yehowa makawp maga ya lu ai lam tsep kawp kamsham ai. Hkinjawng agyi Yehoiada gaw asak shoihpa nga ai lapran, Yosha hpe shi a kawoi dwi Ahtalia a lata kaw nna hkye la wa ai. Hkawhkam Hezekia gaw Yerusalem mare hpe Yehowa makawp maga ya na lam kamhpa ai majaw, Asuri ni jahkrit shama wa tim asum n jaw wa ai. Hkawhkam Yoshia gaw gawng ngu sumla ni hpe mungdan kaw nna yeng seng kau ai. Nawku htingnu hpe bai garam lajang nna, teng man ai nawku dawjau lam hpe rawt jat hkra galaw wa ai.