Hɔɔlʋʋ kʋnɛ kɩyɔɔdʋʋ piya evelisi, nayaa nɛ awiya wena aawɩlaa se awɛnɩ tisuu Yehowa yɔɔ yɔ, a-tɔm. Siirii ɛjaɖɛ taa lɛ, halɩbɩɣa cikpelaɣ nakɛyɛ kaawɛnɩ tisuu se nayʋ weyi Yehowa lɩzaa yɔ, ɛpɩzɩɣ nɛ ɛwaa Namaanɩ. Nayʋ Eliizee kaawɛnɩ tisuu Yehowa yɔɔ se ɛkaɣ ɛ-yɔɔ kandɩyʋʋ se e-koyindinaa ɛtaalabɩ-ɩ pʋyʋ. Cɔjɔ sɔsɔ Yoyiyada kandɩyɩ pɩɣa evelaɣ Yehowaasɩ yɔɔ se ke-neze, halʋ kɩdɛkɛdʋ Ataliya ɛtaapɩzɩ nɛ ɛkʋ-kɛ, paa ɛɛnawa se pɩpɩzɩɣ nɛ pɩkɔnɩ ɛ-maɣmaɣ sɩm yɔ. Wiyaʋ Ezekiyaasɩ kaawɛnɩ tisuu se Yehowa huuzuu ɛ-samaɣ yɔɔ nɛ sɔɔndʋ tɩkpa-ɩ nɛ Asiirii ñɩma. Wiyaʋ Yoziyaasɩ yeba nɛ sɩɩnaa laʋ sɩɩ tɩnaɣ ɛjaɖɛ taa, nɛ pɔñɔɔzɩ templo nɛ samaɣ ɖaɣnɩ paɣzʋʋ sɛʋ Yehowa kɩ-taa.