Etwalemo loshitukulwa 9
Oshitukulwa eshi otashi tu hongo kombinga yovanyasha, ovaprofeti nosho yo eehamba odo da ulika eitavelo muJehova lididilikwedi. MuSiria, omwa li okakadona kanini Okaisrael oko ka li ke na eitavelo kutya omuprofeti waJehova ota dulu okuvelula Naeman. Omuprofeti Elisa okwa li e lineekela filufilu kutya Jehova ote ke mu amena momake etangakwaita lovatondi. Omupristeri omukulunhu Jojada okwa li a tula omwenyo waye moshiponga opo a amene omunyasha Joas kuinakulu omukolokoshi, Atalia. Ohamba Hesekiel oya li ye lineekela kutya Jehova ota ka amena Jerusalem noka li ye liyandja kOvaasiria. Ohamba Josia oya li ya hanauna po oikalunga aishe, tai wapeke otembeli nokukwafela oshiwana shi alukile kelongelokalunga lashili.
MOSHITUKULWA ESHI
Omukwaita nokakadona kanini
Okakadona kanini Okaisrael ta ka lombwele omwene wako kombinga yeenghono daJehova, nopa li pa longwa oshikumwifilonga.
Etangakwaita laJehova enaenghono
Omupiya waElisa okwa li a mona ngahelipi kutya ‘ava ve li pufye ovahapu ve dule venya ve li puvo.’
Ouladi waJojada
Omupristeri omudiinini okwa li a kondjifa nouladi ohambanghainhu ikolokoshi.
Jehova ta tale Jona onheni
Osha enda ngahelipi opo omuprofeti umwe waKalunga a ponwe po koshi inene? Okwa dja mo ngahelipi medimo loshi? NaJehova okwe mu honga oshilihongomwa shilipi?
Omweengeli waJehova okwa li a amena Hiskia
Ovatondi vaJuda ova li tava ti kutya Jehova ita ka amena oshiwana shaye, ashike ova li va puka.
Josia okwa li e hole omhango yaKalunga
Josia okwa li a ninga ohamba yaJuda eshi a li e na omido hetatu, nokwa li a kwafela oshiwana shavo shi longele Jehova.
