Бұл бөлімде біз Ехобаға зор сенімін көрсеткен жастармен, пайғамбарлармен, патшалармен танысамыз. Сирия елінде жүрген кішкентай исраилдік қыз Нағыман деген ауру кісіні Ехобаның пайғамбары айықтыра алатынына сенді. Еліше пайғамбар Ехоба оны кез келген дұшпанның әскерінен қорғайтынына кәміл сенді. Бас діни қызметкер Еходай болса Жоғасты бала кезінде Аталия есімді зұлым әжесінен құтқарып қалды. Езекия патша Иерусалимді Ехобаның өзі қорғап қалатынына сенім артты. Ол қорқынышқа бой алдырып, ассириялықтарға беріле салмады. Ал Жосия деген патша елді пұтқа табынушылықтан тазартып, ғибадатхананы қалпына келтірді және халықты шынайы ғибадатқа қайтарды.