Biji mu Kipungu 9
Kino kipungu kyaamba pa banyike, bangauzhi ne bamfumu baketekejile mwi Yehoba na muchima yense. Mu Silya mwaikalanga nsongwakazhi wajinga na lwitabilo lwa kuba’mba ngauzhi wa Yehoba wakonsha kubuka Nemani. Ngauzhi Elisha waketekejile mwi Yehoba kuba’mba usakumuzhikijila ku nzhita ya balwanyi. Ñanga Mukatampe Yehoyada wabikile bumi bwanji mu kizumba byo afile Yehoashi kuba’mba babule kumwipaya ku nkambo yanji aye Ataliya. Mfumu Hezekiya waketekejile mwi Yehoba kuba’mba ukazhikijila Yelusalema, kyo kyamulengejila kubula kuchiina bena Asilya. Mfumu Yosiya wafuminye bupopweshi bwa bubela mu kyalo, wawamishe nzubo ya Lesa ne kubwezha bupopweshi bwa kine mu kyalo.
BIJI MU KINO KIPUNGU
Nemani ne Nsongwakazhi Mwina Isalela
Nsongwakazhi mwina Isalela wabujile nkambo yanji wamukazhi amba Yehoba uji na bulume bwa kuba bya kukumya.
Nzhita ya Yehoba
Kalume wa kwa Elisha wayukile amba ‘bo bajinga nabo bavujile kukila balwanyi babo.’
Yehoyada Wachinchikile Bingi
Ñanga wa kishinka wachinchikile ne kukana kutundaika mfumu mubi.
Yehoba Wamutekenyejile Yona
Kyajinga byepi pa kuba’mba ngauzhi wa Lesa bamumine ku jisabi jikatampe? Wafuminemo byepi? Ñanyi kintu Yehoba kyo amufunjishe?
Hezekiya Bamuzhikijijile ku Malaika wa Yehoba
Balwanyi babena Yuda baambilenga’mba Yehoba kechi ukazhikijila bantu banji ne. Byo balangulukilenga kechi byajinga bya kine ne!
Yosiya Watemenwe Mizhilo ya Lesa
Yosiya waikele mfumu wa bena Yuda saka ajitu na myaka itanu na isatu, wakwashishe bantu banji kupopwela Yehoba.
