A Buŋgɛi 9 Okɔɔ
Buŋgɛi hei cho naa pɛɛku a feleŋguaa, wanaa ndaa suaa le Mɛlɛka wa, vɛlɛ a masaa ndaa nɔ laalaŋ kala kalaa o Chɛhowa niŋnda okɔɔ. O Siiliaa niŋ, chuaambɔ Isɔluɛinɔɔ ndoo nɔ laalaŋndo maa wana ndoo suaa le Chɛhowa wo nɔla mbo siŋgi Naamaŋ. Ilaacha ndoo nɔ laalaŋ kala kalaa maa Chɛhowa tiuba mbo manda ndu yaamɔɔwaa nduaa o ba. Wana dɛnɛ wɔɔŋndo pila Atalaya wa ni, nduyɛ po ndɔ mamaa wa Chɛhowasi ni. Mi Masa Wanaa Soliaa Lasalaa Chɛhowada luei yoomu ndɔɔ o kpundɔɔ niŋ, le Chɛhowasi piŋioo mama ndɔ o ba, teleŋ o wa o pɔmbɔ wo. Masaa Hɛsɛkiya ndoo nɔ laalaŋndo maa Chɛhowa cho Chulusalɛm piŋi. Nduyɛ, o yɔŋ isiooŋ kposoŋ le kɔŋgɔliaŋ Asiiliaŋnda wa nda wo le. Mi Masaa Chosaya faŋga piɛile ŋpiɔmndeŋ o Isɔluɛi niŋ, mbo miŋgi chiɛi Mɛlɛkaa taŋgul, nduyɛ mbo tosa mi waŋnda muliŋ vɛlɛ Mɛlɛka tonyaa piɛiyo.
O BUŊGƐI HEI NIŊ
SUƐI LEBOLII 51
Kuubanɔ Chɔuwo nda Chuaambɔ Pɔmbɔɔ
Chuaambɔ Isɔluɛinɔɔ dimul lanɔɔ wana bɛndu o wa o ba wo a kpaaya bɛndu Chɛhowaa okɔɔ. Nduyɛ mi hei huŋ a fulamakɔɔlila kɛndɛlaŋ.
SUƐI LEBOLII 52
Puaa Chɔuwaa leYiŋaa Chɛhowaa
Mi buɛi Ilaasia wo mɛɛlu sina maa ‘puaa chɔuwaa cho a naa latulu wa hiou puaa ndaa chɔuwa.’
SUƐI LEBOLII 53
Kɔl Simulaa Chɛhowada Chɔmndo
Mi wana soliaa lasala chɔm lo lechoo wo mbo simul masa laandu dɛnɛ wɔɔŋndo.
SUƐI LEBOLII 54
Mi Chɛhowa Biunuŋ Chona
Vɛɛ suu bɛndoo looku yɛ wana ndoo suaa le Mɛlɛka wo miolɔɔ? Vɛɛ o looku yɛ fula leniŋ? Yɛɛ Chɛhowa pɛɛku yɛ wana ndoo suaa hoo le ndu wo?
SUƐI LEBOLII 55
Maalikɛinɔ Chɛhowa Wo Chiindiaa Hɛsɛkiya
Mi yaamɔɔwaa waŋnda Chuda dimi maa Chɛhowa tiuba mbo chiindiaa wanaa nduaa le, kɛ choolaŋ ndaa dimi ni!
SUƐI LEBOLII 56
Choosaya Ndoo Kaala Sawala Mɛlɛkalaŋ
Choosaya wa wɔsilaŋ la ŋɔmaa mbo simnuŋ masaa le Chuda, nduyɛ mbo mala wanaa o wa choo masa wa ma piɛi Chɛhowa.