တၢ်ကတိၤအိးထီၣ် အတၢ်နီၤဖး ၉
တၢ်နီၤဖးတခါအံၤ သိၣ်လိပှၤဘၣ်ဃးဒီးပှၤသးစၢ်, ဝံတဖၣ် ဒီးစီၤပၤတဖၣ် လၢအအိၣ်ဒီးတၢ်နာ်ယဟိဝၤယွၤန့ၣ်လီၤ. အဒိ လၢကီၢ်စူၤရံအပူၤန့ၣ် ပှၤအံၣ်စရ့လးပိာ်မုၣ်ဖိတဂၤ နာ်ဝဲလၢယဟိဝၤယွၤအဝံ ကမၤဘျါဝဲစီၤနဧၤမၣ်အတၢ်ဆါလီၤ. ဝံအလံၤၡါနာ်ဝဲလၢ ယဟိဝၤယွၤကမၤပူၤဖျဲးအီၤလၢ ဒုၣ်ဒါအစုပူၤလီၤ. ပှၤလုၢ်တၢ်အခိၣ် စီၤယဟိယဒါမၤပူၤဖျဲးဝဲ စီၤယိၤအၣ်အသးသမူလၢ အဖံနီၢ်ဧသၤလယၤလၢ အမ့ၢ်ပှၤအၢပှၤသီတဂၤ အစုပူၤလီၤ. စီၤပၤဃံးစကံယၤ နာ်ဝဲလၢယဟိဝၤယွၤ ကဒီသဒၢဝဲဝ့ၢ်ယရူၤၡလ့ၣ် ဒီးအဝဲတလီၤဝဲလၢ ပှၤအၤၡူၢ်ဖိအစုပူၤဘၣ်. စီၤပၤယိၤၡံယၤ မၤဟးဂီၤကွံာ်တၢ်ဂီၤတၢ်ဖှီၣ်လၢ အထံအကီၢ်ပူၤ, ဘှီဂ့ၤထီၣ်က့ၤတၢ်လုၢ်ဟံၣ်ဒီး မၤစၢၤပှၤထံဖိကီၢ်ဖိဒ်သိး ကဘူၣ်ထီၣ်ဘါထီၣ်က့ၤ ယဟိဝၤယွၤအဂီၢ်လီၤ.
တၢ်ဂ့ၢ်လၢလာ်တဖၣ်
တၢ်မၤလိ ၅၁
သုးခိၣ်ဖးဒိၣ် ဒီးပိာ်မုၣ်ဖိတဂၤ
ပှၤအံၣ်စရ့လးပိာ်မုၣ်ဖိ တဲဘၣ်အကစၢ်မုၣ်ဘၣ်ဃးဒီး ယဟိဝၤယွၤအတၢ်စိတၢ်ကမီၤ လၢကမၤတၢ်လီၤလးလီၤ.
တၢ်မၤလိ ၅၂
ယဟိဝၤယွၤအသုးမုၢ်ဂီၢ်မုၢ်
ဝံအလံၤၡါအခ့အပှၤ ထံၣ်ဝဲ ‘ပပှၤနီၣ်ဂံၢ်အိၣ်အါန့ၢ်ဒံး အဝဲသ့ၣ်’ ဒ်လဲၣ်.
တၢ်မၤလိ ၅၃
စီၤယဟိယဒါ အိၣ်ဒီးတၢ်သးဒူ
ပှၤလုၢ်တၢ်ဒိၣ်လၢအိၣ်ဒီးတၢ်သးတီ အိၣ်ဆၢထၢၣ်လၢ နီၢ်ပၤမုၣ်အအၢအသီအမဲာ်ညါ လၢတၢ်သးဒူအပူၤလီၤ.
တၢ်မၤလိ ၅၄
ယဟိဝၤယွၤပာ်ဖျါထီၣ် တၢ်ဝံသးစူၤလၢ ဝံယိၤနါအဖီခိၣ်
ကစၢ်ယွၤအဝံတဂၤန့ၣ် ညၣ်ဖးဒိၣ်တဘ့ၣ် ယူၢ်လီၤအီၤဒ်လဲၣ်. အဝဲဟးထီၣ်ဘၣ်ဝဲဒ်လဲၣ်. ဒီးယဟိဝၤယွၤ သိၣ်လိအီၤတၢ်မၤလိ မနုၤလဲၣ်.
တၢ်မၤလိ ၅၅
ယဟိဝၤယွၤအမူခိၣ်ကလူးတဂၤ ဒီသဒၢစီၤဃံးစကံယၤ
ယူဒၤအဒုၣ်ဒါတဖၣ် တဲဝဲလၢယဟိဝၤယွၤ တဒီသဒၢအပှၤဂီၢ်မုၢ်ဘၣ် ဘၣ်ဆၣ် အဝဲသ့ၣ်တဲတၢ်န့ၣ် ကမၣ်ဝဲလီၤ.
တၢ်မၤလိ ၅၆
စီၤယိၤၡံယၤ အဲၣ်ဝဲယဟိဝၤယွၤ အတၢ်သိၣ်တၢ်သီ
စီၤယိၤၡံယၤကဲထီၣ်စီၤပၤဖဲ အအိၣ်ဃိးနံၣ်အခါ ဒီးအဝဲမၤစၢၤအထံဖိကီၢ်ဖိလၢ ကဘူၣ်ထီၣ်ဘါထီၣ်ယဟိဝၤယွၤလီၤ.