E kunku kiaki kiyikanga lusansu lwa aleke, angunza ye atinu ana basonga lukwikilu muna Yave. Kuna Suria, dumbelele kimosi wakala ye vuvu vo ngunz’a Yave olenda wuka Namani. Elesa wa ngunza wakala ye vuvu vo Yave okuntanina vana moko ma mbeni. Yoyada wa Ngang’ambuta wasia zingu kiandi mu vonza mu tanina kindende kiakala ye nkumbu a Yoase vana moko ma Atalia wa nkak’andi ankento ona wavavanga kumvonda. O ntinu Kizekeya wakala ye vuvu vo Yave otanina Yerusaleme. Muna kuma kiaki, kayivana ko vana moko ma makesa ma Asuri ana babavumisanga. Ntinu Yosiya wafokola e nsambil’a teke muna  nsi, watungulula tempelo yo sadisa nkangu bavutuka muna nsambil’aludi.