Бул бөлүктөн Жахабага бекем ишенген жаштар, пайгамбарлар, падышалар жөнүндө билебиз. Сирияда ысрайылдык бир кичинекей кыз Жахабанын пайгамбарынын Нааманды айыктыра аларына ишенген. Элиша пайгамбар Жахабанын аны душмандын аскеринен коргой турганына күмөн санаган эмес. Башкы дин кызматчы Жоят кичинекей Жаашты каардуу чоң энеси Аталеядан сактап калыш үчүн өмүрүн тобокелге салган. Хиския падыша Жахабанын Иерусалимди коргооруна ишенген жана ашурлуктар коркутуп-үркүткөндө, коркунучка алдырган эмес. Жошия падыша жерин буркандардан тазалаган, ибадаткананы калыбына келтирген жана элин чыныгы сыйынууга кайрып келген.