Ntwelelo ya Kipindi 9
Kino kipindi kitufundija myanda itala bankasampe, bapolofeto, ne balopwe bālombwele lwitabijo lukatampe mudi Yehova. Mu Shidea, mwādi kanuke kamo kana-kakaji kene Isalela kādi kakulupile amba mupolofeto wa Yehova ubwanya kundapa Nemani. Mupolofeto Edisha wādi na kikulupiji kyonso mudi Yehova amba ubwanya kumukinga ku kibumbo kya divita kya balwana. Yehoyada, Kitobo Mukatampe wātūdile būmi bwandi mu kyaka mwanda wa kukinga nkasampe Yehoashe kudi nkambo wandi Atadiya, mwana-mukaji mubi. Mulopwe Hezekia wādi ukulupile’mba Yehova usa kupandija Yelusalema, kadi kātuyukilepo bene Ashidia. Mulopwe Yoshia wātalwile butōtyi bonso bwa bilezaleza mu ntanda’ya ne kūbakulula tempelo, ne kujokejeja muzo ku butōtyi butōka.
MU KINO KIPINDI
KIFUNDWA 51
Muntu wa Bulwi ne Kanuke Kana-Kakaji
Nkasampe mwana-mukaji mwine Isalela usapwila mukaja mfumwandi myanda ya bukomo bukatampe bwa Yehova—kubalupuka bipa bitulumukwa.
KIFUNDWA 52
Kibumbo kya Divita kya Mudilo kya Yehova
Muswelo wajingulula mwingidi wa Edisha amba ‘botudi nabo i bavule kupita bobadi nabo.’
KIFUNDWA 54
Yehova Wātūkijije Yona Mutyima
Le mupolofeto umo wa Leza wāmininwe’tu namani na mushipa mukatampe? Le wātambile namani munda mwa mushipa? Ne Yehova wāmufundije bufundiji’ka?
KIFUNDWA 55
Mwikeulu wa Yehova Wakinge Hezekia
Balwana na Yuda abanena’mba Yehova kasapo kukinga bantu bandi, ino buno i bubela!
KIFUNDWA 56
Yoshia Wādi Usenswe Bijila bya Leza
Yoshia wabikala bu mulopwe na myaka mwānda, kadi wakwasha bantu bandi batōte Yehova.