Diumvuija dia Tshitupa tshia 9
Tshitupa etshi tshidi tshiakula bua bansonga, ne baprofete, ne bakalenge bavua baleje muvuabu ne ditabuja dikole kudi Yehowa. Mu Sulia muvua muana wa bakaji mutekete muena Isalele uvua ne ditabuja dia ne: muprofete wa Yehowa uvua mua kuondopa Nâmana. Muprofete Elisha uvua pende ne dishindika dikole dia ne: Yehowa uvua mua kumusungila kudi tshiluilu tshia baluishi. Muakuidi munene Yehoyada uvua muteke muoyo wende mu njiwu bua kusokoka Yoasha utshivua muana bua kabamuenzedi bibi kudi kakuende muntu mukaji Atalaya uvua muntu mubi. Mukalenge Hezikiya uvua mushindike ne: Yehowa uvua ne bua kusungila Yelushalema, ne kavua mupuekeshe maboko pavua bena Ashû babafunyina to. Mukalenge Yoshiya wakumbusha ntendelelu wa mpingu mu buloba, kuakajilulaye ntempelo, ne kupingajaye tshisamba ku ntendelelu mulelela.
MU TSHITUPA ETSHI
DILONGESHA DIA 51
Tshilobo tshia mvita ne muana wa bakaji mutekete
Muana wa bakaji muena Isalele udi wambila mfumuende muntu mukaji bua bukole bua bungi budi nabu Yehowa—tshishima tshilua kuenzeka.
DILONGESHA DIA 52
Tshiluilu tshia Yehowa tshia kapia
Mudi muena mudimu wa Elisha mufike ku dimona ne: ‘tuetu tudi ne basalayi ba bungi babapite.’
DILONGESHA DIA 54
Yehowa udi uleja Yona lutulu
Mmushindu kayi uvua mushipa munene mufike ku dimina muprofete mukuabu wa Nzambi? Mmushindu kayi uvuaye mupatuke? Mmalu kayi avua Yehowa mumulongeshe?
DILONGESHA DIA 55
Muanjelu wa Yehowa udi ukuba Hezikiya
Baluishi ba Yuda badi bamba ne: Yehowa kakukuba bantu bende, kadi mbadishime!
DILONGESHA DIA 56
Yoshiya uvua munange mikenji ya Nzambi
Yoshiya wakalua mukalenge wa Yuda pavuaye ne bidimu muanda mukulu, ne wakambuluisha bantu bende bua kutendelela Yehowa.