Kujimbula Chihanda 9
Echi chihanda nachihanjika havakweze, navapolofweto navamyangana vaze vafwelelele chikuma Yehova. Mulifuchi lyaSulya mwapwile kanyike wapwevo wakaIsalele uze afwelelele ngwenyi kapolofweto kaYehova mwoka Namane. Kapolofweto Elisha naikiye afwelelele ngwenyi Yehova mwamukinga kuli vaka-kole. Kapilishitu Wakulitulaho Yehoyata ahakile kuyoya chenyi muponde hakufwila kukinga Yehowashe kuli kaka yenyi wakuhuka Ataliya. Mwangana Hezekiya afwelelele Yehova ngwenyi mwakinga Yelusalema, ngocho kevwile woma vaAsulyako. Mwangana Yoshiya afumishile makombelo osena apwile mulifuchi nakutungulula tembele, nakukindulwisa vatu kukulemesa chamuchano.
MUCHIHANDA CHINO
CHILONGESA 51
Kapitau kaMaswalale naKanyike Wapwevo
Kanyike wapwevo wakaIsalele mwalweza kaka yenyi wapwevo omu ngolo jaYehova jeji kuzatanga mujila yakukomwesa.
CHILONGESA 52
Tuvalu naMatemba aKakahya
Ngamba yaElisha atachikijile jino ngwenyi ‘kuli vakiko kwapwile vavavulu kuhambakana kuli vaka-kole javo.’
CHILONGESA 53
Kuhamuka chaYehoyata
Kapilishitu wakushishika mwafungulula mwangana wapwevo wamupi muchima.
CHILONGESA 54
Yehova atalilile Yona chikoki
Uno kapolofweto waKalunga vamuminyine ngachilihi kuli ishi wamunene? Uno afumine ngachilihi mujimo lyaishi? Yehova amunangwile chishina muka?
CHILONGESA 55
Kangelo kaYehova Akingile Hezekiya
Numba tuhu vaka-kole javaYuta vambile ngwavo Yehova keshi kukinga vatu jenyiko, oloze vishinganyeka vyavo vyapwile vyakuhenga!
CHILONGESA 56
Yoshiya Azangile Jishimbi jaKalunga
Omu Yoshiya apwile namyaka yakusemuka 8 vamutongwele kupwa mwangana, kaha akafwile vatu valemese Yehova.
