Ntachikilu yaChibalu 9
Ichi chibalu chikutuleja hadi atwansi, atuprofwetu nianyanta amwekesheli chikuhwelelu mudi Yehova. MuSiriya, kansi wamumbanda kaIsarela wakuhweleleli nindi kaprofwetu kaYehova wukumuuka Nayamani. Kaprofwetu Elisha wakuhweleli chikupu nindi Yehova wukumukiña kudi amashidika ayilumbu jindi. Kapristu Muneni Yehoyada washili wumi windi muwubanji hakumukiña kansi Yehowashi kudi nkaaka yindi wamumbanda watama, Ataliya. Mwanta Hezekiya wakuhweleleli nindi Yehova wukwamwina Yerusalema nawa hazeyeli hamuchiinishileñawu kudi Asiriyaku. Mwanta Yosiya wajiyishili kudifukula kudi ankishi mwituña, watuñulwili tembeli nawa wakwashili muza kufunta kukudifukula kwalala.
MUCHINU CHIBALU
KUDIZA 51
Mushidika naKansi waMumbanda
Kansi wamumbanda kaIsarela namuleji nkaaka yindi wamumbanda hañovu yaYehova yabadika chikupu—munafumi yuma yakuhayamisha.
KUDIZA 52
Tuwalu twaYehova niMakalu aKesi
Kambuña aElisha neluki nindi ‘adi nanetu amavulu kubadika adi nawena.’
KUDIZA 53
Kuhamuka Kwamwekesheliyi Yehoyada
Kapristu washinshika namwekeshi kuhamuka kudi mwanta wamumbanda watama.
KUDIZA 54
Yehova Wadiwunjikili naYona
Chumanyi chaletesheli kaprofwetu kaNzambi wumu amuminyi kudi inshi weneni? Wafumini ñahi mwivumu danshi? Nawa chumanyi chamudizishiliyi Yehova?
KUDIZA 55
Kañelu kaYehova Wamukiñili Hezekiya
Ayilumbu jawaYuda anahoshi nawu Yehova wukwamwina wanyi antu jindi, ilaña anakudidimba!
KUDIZA 56
Yosiya Wakeñeli Nshimbi jaNzambi
Yosiya nekala mwanta henohu wudi hohu nayaaka 8, nawa nakwashi antu jindi kudifukula kudi Yehova.
