Ibi kui jchaa tʼatsʼe xtiʼndí, profeta kao xi rey koan, xi nʼio kisʼele kjoamakjain tʼatsʼe Jeobá. Ya Siria, jngo tsotiʼndí israelita tsakʼejna xi be nga je profetale Jeobá koa̱nle sindaya chʼinle Naamán. Je profeta Eliseo ñaki koankjainle nga je Jeobá kʼoasjentjai xi tʼatsʼe chjotakontrale. Je naʼmitítjon Jehoiadá alikui yaole kini ninga si̱kʼien nga kisikuinda je Jehoás xi tʼatsʼe majchále xi Atalía tsakʼin. Je rey Ezequías koankjainle nga je Jeobá kʼoasjentjai Jerusalén kʼoa alikui kitsokjonle jme xi kitso chjotakjoajchán asirio. Je rey Josías tsakjaʼáxin kjoaxkóson xi kisʼe ya naxinandá, tsakʼéndayaa yo̱ngo̱ kʼoa tsakasenkao naxinandá nga je Jeobá tsakʼétsʼoa ijngokʼale.