Introdiksion Seksion 9
Sa seksion-la koz lor bann zenn, bann profet, ek bann lerwa ki ti ena enn gran lafwa an Zeova. Dan Siri, enn tifi Izraelit ti ena lafwa ki profet Zeova ti pou geri Naamann. Profet Elize ti sir ki Zeova ti pou protez li kont enn larme. Gran Pret Zoad ti riske so lavi pou protez zenn Zoas kont so granmer, Atali, ki ti bien move. Lerwa Ezekias ti sir ki Zeova ti pou sap Zerizalem, ek li pa ti sede kan bann Asirien ti menas li. Lerwa Zozias ti tir bann zidol dan pei, li ti rekonstrir tanp, ek li ti ankouraz bann Izraelit pou rekoumans ador Zeova.
DAN SA SEKSION-LA
LESON 51
Enn Gerye ek enn Tipti Tifi
Enn zenn tifi Izraelit koz ar so met lor gran pwisans ki Zeova ena. Rezilta: enn mirak arive.
LESON 52
Bann Seval ek Bann Kales Dife Zeova
Kouma serviter Elize ti reisi trouve ki ti ‘ena pli boukou avek nou, ki avek zot.’
LESON 54
Zeova Ena Pasians ar Zonas
Enn gro pwason ti aval enn profet Bondie. Kouma sa ti arive? Kouma profet-la ti reisi sorti? Ki leson Zeova ti ansegn sa profet-la?
LESON 55
Anz Zeova Protez Ezekias
Bann lennmi Zida ti dir ki Zeova pa ti pou kapav protez so pep, me zot ti ena tor!
LESON 56
Zozias Kontan Lalwa Bondie
Zozias ti vinn lerwa laz wit an, ek li ti ed so pep pou ador Zeova.