Introduzzjoni għal sezzjoni 9
Din is-sezzjoni tgħallimna dwar uħud żgħar fl-età, profeti, u slaten li wrew fidi kbira f’Ġeħova. Fis-Sirja, tifla żgħira Iżraelija kellha fidi li l-profeta taʼ Ġeħova setaʼ jfejjaq lil Nagħman. Il-profeta Eliżew kien konvint li Ġeħova kien se jipproteġih mill-armata tal-għadu. Il-Qassis il-Kbir Ġeħojada rriskja ħajtu biex jipproteġi liċ-ċkejken Ġeħogħas minn nanntu Għatalija, li kienet kattiva. Is-Sultan Ħeżekija wera fidi li Ġeħova kien se jsalva lil Ġerusalemm, u ma beżax minn dak li kienu se jagħmlulhom l-Assirjani. Is-Sultan Ġosija neħħa l-idolatrija mill-art, irranġa t-tempju, u għen lill-poplu jdur lura lejn il-qima vera.
F'DIN IT-TAQSIMA
LEZZJONI 51
Raġel gwerrier u tifla żgħira
Tifla lsira li hi Iżraelija tgħid lill-mara taʼ sidha li kien marid, dwar il-qawwa kbira taʼ Ġeħova—b’riżultati mirakolużi.
LEZZJONI 52
L-armata tan-nar taʼ Ġeħova
Kif il-qaddej taʼ Eliżew jirnexxilu jara li hemm iktar magħhom milli mal-oħrajn.
LEZZJONI 54
Ġeħova kien paċenzjuż maʼ Ġona
Wieħed mill-profeti t’Alla kif spiċċa f’żaqq ħuta kbira? Kif ħareġ minnha? U Ġeħova x’tagħlima tah?
LEZZJONI 55
Anġlu taʼ Ġeħova jipproteġi lil Ħeżekija
L-għedewwa taʼ Ġuda jgħidu li Ġeħova mhux se jipproteġi lin-nies tiegħu, imma għandhom żball!
LEZZJONI 56
Ġosija kien iħobb il-Liġi t’Alla
Taʼ tmien snin, Ġosija jsir sultan, u hu jgħin lin-nies tiegħu jqimu lil Ġeħova.